Understanding Exhaust Cut-Out ::: فهم نظام الكات اوت اقزوز

الكات أوت يغمت الصوت وهو جهاز مصنوع بالهدف منه حجب (غمت) صوت اقزوزك وترجعه صوت ستوك وكاله بحيث ان وقت التفتيش مايخالفك الشرطي ماراح يلاحظ انك مركب اقزوز. الكات أوت مفيد جدا حق اللي مركب سيستم اقزوز على سيارته وانا اقصد بالسيستم هو الهدرز والبايبات و دبة الأقزوز او حتى اللي بس فاصل دبة التلوث او بس مركب دبة اقزوز  بحيث يعطي صوت قوي لسيارته ...

الكات اوت عبارة عن قطعه شبيهه بالفلتر شكله مخروطي مثل بايب  له راسين ويتركب على البايب بالنص بين البايب والدبة الاقزوز  مثل الصوره الموضحه فوق وفي منه نوعين:

1)الاكتروني (توصل وايراته مع كهربة للسياره وتحول اي دقمه ماتستعملها الى مفتاح الكات أوت) او وصله تيب مثل الغاز لما يركبونه او في ناس يشبكونه مع القير بحيث لما يحولونه قيادة التوب ترونيك يشتغل الكات أوت او العكس على حسب الكهربائي اللي يركبه لك وشنو ينصحك.

2)يدوي يعني لما تبي تصكر الاقزوز وتغنت صوته تنزل من السياره وتسحب السيم او الواير وتفتح او تصكر الكات اوت. 

طبعا كل شي له فوائد واضرار.

فوائد الكات أوت: يغمت الصوت ويوفر عليك مخالفات المرور يعني على مزاجك تبي تصير ستوك اوملغوم

اضراره: موزين تستعمله وايد يعني أهوا للحاجه بس لان كثرة استعماله وتغمت الأقزوز وتدوس موزين لأنك تحكر الغازات اللي طالعه من المكينه لي الاقزوز وظيفة لاقزوز يطرد هالغازات بره اما الكات أوت يغمتها بالفلتر فهذه العمليه وقت للسرعه والدوس تأثر على المكينه فا تلقاها ماتعطيك اداء وقوه يقل عزمها وعمرها يقصر.

أنا نصيحتي للي يركب كات اوت يستعمله بس اذا كان في تفتيش او واقف بالاشاره يم دوريه وجذي لكن قاعد يسوق عادي بالشارع او اذا دايس سرعه لازم الكات اوت يكون مفتوح ومايعيق صوت الأقزوز. وسلامتكم