كيف تختار البايب المناسب للموستنج

 بعد اختيار الهدرز المناسب للموستنج, الحين اي نوع من البايبات الاكثر كفاءة يكون حلقة وصل بين المكينه والهدرز وصولا الى الاقزوز.

هنالك انواع مختلفه من البايبات منها الاتش-بايب (H-Pipe) والاكس-بايب (X-Pipe) بالاضافه الى اخلاف احجامهم, بايب-قصير (Short-Pipe) وبايب طويل (Long-Pipe) واخيرا الاستخدامات الخاصه للبايب, هل هو اوف-رود (Off-Road Pipe) او كاتيد (Catted-Pipe).

أولاً: نبدأ بشرح الاختلاف بين الاتش-بايب و الاكس-بايب:

 

Y-Pipe بايب الوكاله لستوك

 

•  الاتش-بايب: هذا النوع من البايبات له صوت عادي وأداءه بالمستوى المعقول لكن احسن من بايب الوكاله الستوك لان مصنوع بطريقه يمرر الهوا بسرعه حق الاقزوز مما يزيد قوة الحصان لكن مثل ما قلت بالمستوى المعقول مع الاسف عيبه انه في وصله بالنص بعض المرات تعيق عملية مرور الهوا. بالنسبه للصوت البايب فهوا مثل صوت الستوك لكن اعلى شوي ويشبه صوت الموستنج الستوك القديم

•  الاكس بايب: اداءه ومستواه اعلى من الاتش بايب. صوته اعلى ويزين من قوه الحصان. كثير من الناس يفضلون الاكس بايب لان شكله انسيابي يساعد في سيلان و مرور الهواء بدون حاجز من الهدرز لي الاقزوز وهذا العمليه تخلي صوت الاقزوز اعلى واحلى بشكل واضح جدا وهو مناسب حق اللي يبي يعزز من قوة سيارته.

 ثانياً: يجب مراعاة اختيار حجم البايب, بايب-قصير ام بايب-طويل والاختلاف واضح

• البايب-القصير: يستخدم للهدرز الطويل لان هذا النوع من الهدرز له بايب طويل يوصل لي ربع السياره فا نحتاج نركب بايب قصير عشان يوصل الاقزوز. 

•  البايب-الطويل:  العكس تماماُ يستخدم للهدرز القصير لان ماله بايبه قصير لذلك نستعمل البايب الطويل عشان يكون حلقة وصل بين الهدرز والاقزوز.

ثالثاً: يجب مراعاة ايضاً المواصفا الخاصه للبايب وهدف استعماله. هل هو اوف-رود أم كاتيد:

• اوف-رود بايب بايب مخصص للحلبات والشارع الناعم وليس الشوارع العاديه اللي فيها حصم وصخر

• الكاتيد-بايب في فلتر يصفي الغازات اللي تطلع من المكينه وبالاخص من البستن لما يحرق البانزين ويفرز غازات منها الكاربون اوكسيد و الكاربون مونوكسيد و الهايدروكاربونز و اكسيد النايتروجين وهذه الغازات سامه جدا. وظيفة الكاتيد فيلتر الموجود في الاكس بايب تصفيتها وتنقيتها قبل لا توصل الاقزوز.

الصوره التاليه توضح الفرق