Abyaar Garage ::: كراج ابيار

اليوم حبيت اكتب عن كراج ابيار الكراج اللي تعاملت معاه وكان شغله جدا نظيف ومرتب صراحه اضبط من شغل الوكاله وله كل الشكر والتقدير على تصليح سيارتي بسعر مناسب وبوقت قصير.


القصه ومافيها انه سيارتي كان ملعون خيرها دعمات!! حمدالله مو حادث لكن سبب الدعمات الكوارث الطبيعيه والناس اللي ماتعرف تسفط حسبي الله عليهم.....

الكوارث الطبيعيه الا وهي (البردي) سوا شغل عدل بسيارتي سبحان الله انخفس الكبوت وكان فيه طقات وايد مع الدبه... لا حول الله

والناس اللي ماتعرف تسفط مع الاسف انا صافطه بدوامي مواقف عمومي واندعمت من صوب اليسار عند المدقر وهذه صورته...


اهني الدعمه خفيفه وبعدها نفس المكان اندعمت هالمره شكله اللي بيسفط حاطله دعاميه ودعملي المدقر اليسار  كامل للاسف ماعندي صوره.

ويوم ثاني كنت بالاشاره ويوم شبت ومشينا ولا واحد دعم الباب اليمين وانحاش وانخفس الباب من تحت وانا ايست صراحه وقلت يلا عليها تامين شامل اتصلح.

التامين مانفعني وطلع فيها لويه وورقة مغفر وتصوير وعباله مالي خلق قلت اوديها الوكاله اصلحها
بعد ما فحصوها الوكاله قالي التصليح ما يقارب 400 دينار و اذا على التامين ادفع 25% ضد مجهول يعني100 دينار مع فتحت ملف اب 100 دينار يعني المجموع 200 دينار ويبيلها شهر على ما تخلص!!!!! وبدون سياره بديله
أوووووللللللللللله

فا قلت اوديها كراج اصلحها اشرفلي وسألت عن الكراج الزين ودلوني على كراج ابيار


الاخ عباس كان مسؤول عن سيارتي وماقصر سحب الدعمات (الباب اليمين + المدقر اليمين واليسار) وصلحها وصلح طقات الكبوت والدبه بالاضافه الى تركيب البودي كت اللي طالبته من امريكا مع صبغ وبولييش كامل كلها كلفتني 100 دينار بس.. السياره خلصت اب اسبوع واحد الحمدالله واليوم استلمتها وباجر اوريكم الصور :)


معلومات الكراج:
كراج ابيار(صبغ بالفرن وحداده - بوليش وحمايه)
أخوان:
        عباس: 97741334
        حسين: 65566303
المكان: الشويخ الصناعيه - شارع الزينه - خلف بن نخي - مقابل ميزان يعقوب



حصريا: خصم خاص لزوار الموقع عند كراج ابيار لجميع السيارات
كل اللي عليكم تسونه تتصلون على 97741334 وانكم من طرف الموقع وان شاء الله ما يقصر وياكم
تستاهلون :)


2 comments:

  1. ماشاءالله شكله شغله نظيف
    وعالبركه

    ReplyDelete
  2. It doesn't price a fortune. Article Source: L. So, if we use the system at home for drinking water, we end up with unhealthy de-mineralized water that is contaminated with chlorine and pesticides.

    Feel free to visit my weblog - aquarium ii ro di reverse osmosis water filter aquasafe

    ReplyDelete